كذوب المعاذير | قصيدة محمد سعد القحطاني
عن قصيدة كذوب المعاذير
تتناول قصيدة «كذوب المعاذير» للشاعر محمد سعد القحطاني لحظة انكشاف الحقيقة بعد طول تبرير، حين لا تعود الأعذار قادرة على ترميم الثقة أو إخفاء ما كشفته التجربة. تتحرك القصيدة بين الخذلان، وانكشاف المصالح، ووجع الطعنة من القريب، ثم تتحول تدريجيًا من الألم إلى الثبات والاعتماد على الله واستعادة الكرامة. وفي ختامها تظهر صورة الشاعر وهو يواجه قسوة الزمن بثبات، لا بانكسار.
نص القصيدة
يا صاحبي ما عاد أحتاج تبرير
سود الليالي للحقايق كفتني
ما يبري الذمة كذوب المعاذير
لو هي حلوف أيمان ما طمنتي
خابت هقاوي في وجيه المداهير
يوم إن بقعا في جفاها رمتني
كنت أحسب إن الطيب فيهم طوابير
وأثر النوايا بالسواد احتوتني
بيني وبين أهل المصالح مشاوير
بانت ملامحها وعقب اعتقتني
ما ينفع المكسور كثر المجابير
والطعنة اللي من قفا أوجعتني
رزقي على اللي يرزق الطير ويطير
سبحانه اللي فزعته ساندتني
ماني على المقفي كثير التفاكير
صدت وجيهٍ عن مداي أبعدتني
ببقى جبل شامخ وصدرٍ كما البير
لو هبّت أرياح الزمن و لطمتني
الحمل يقوى بي وأنا حملي بعير
متني صخر والنايبات اصقلتني
محمد سعد ✍🏻
تعليقات