هقوة الأيام | قصيدة محمد سعد
عن القصيدة
«هقوة الأيام» قصيدة للشاعر محمد سعد عن تقلّب الأيام والوفاء والغياب والذكريات التي تبقى حاضرة رغم البعد.
نص القصيدة
تمشي بنا هقوة الأيام وتخيّب
ويموت غصن الوفا ما بلّلت شالَه
يا كم وداعٍ بقلب الواله مسيّب
يترك ضلوعه هشيمٍ يا بري حاله
مريت ذكراك والأشواق تتهيب
بين الزوايا وحزن الدار وظلاله
انا الرفيق الذي لو طول مغيب
م انسى غلاكم وانا اللي حالتي حاله
يا ذكرياتٍ تمرّ البال وتطيب
ذيك الأماني تبعثر صرح آمالَه
شوقي عليه انكسار الخاطر الخيَّب
وملامحٍ عاث فيها البعد وإهمالَه
ياناشدٍ لو رماني الوقت يا حبيّب
عذري معك والوفا بالصدر منزالَه
ما نيب ناسي زمانٍ باللقا طيّب
يوم المحبّه سحاب وسالت جبالَه
ببقى نسيم الغلا لو صِرت متغيّب
ساكن بقلبي، وكل الروح تفدا له
محمد سعد ✍🏻
تعليقات