قالوا عط العصفور للثعباني | محمد سعد القحطاني
قالوا عط العصفور للثعباني
وأحذر ترى الثعبان تحت الفيه
يبغى يجرّح دمعتك بلساني
جب له معك ثعبانةٍ حورية
طالع لي العصفور وهو فحماني
ويشوف سم الأفاعي فرجليه
وسمّها يجري وسط شرياني
والضيم بيَّن للطبابه فيّه
طالعت للعصفور كم خاواني
طالعته برحمة مع حنيه
قلت اطعم الصيصان ولا تنساني
ورديته لعشّه مع الجنيه
فاقبل عليّ السيد الشيطاني
وربط لي لساني مع ايديه
وقال تتعدى على سلطاني ؟
وأشعل لي النيران وسط الميّه
وبرمج لي افكاري بمكر الجاني
وعلم له الثعبان بالماريّه
وقال يا إنسان لا تلقاني
فيما نهيتك عقب هذي الجيه
رح رجّع العصفور للثعباني
ونمسح سمومٍ في جسدك بكيّه
وأعرّفك بجنود ما تعصاني
بسمّها تعرف تميت الحيه
وتصير لي أبرز غبي وافاني
وأعلمك دستور سوء النيه
وأحط لك خدام بالمجاني
بتكون لك سحرٍ بلا سكنيه
ياما كسرت رقابهم بسناني
دوريةٍ تطرد لها دوريه
واليوم قلبي منّهم مرضاني
يالله ترحم روحي المبليه
محمد سعد ✍🏻
تعليقات