أخاف

اخاف الوقت ينساني ويتركني مع الخذلان

الين يروح من عمري ويبقى دمع يجرحني

واخاف الغدر يألفني ويحسبني أنا الخوّان

وانا ما غير إحساني سبب جرحي وذابحني

واخاف اصير متعود على خوفي بلا نكران

بعد ما كنت أنا الساطي لقيت القلب يطرحني

واخاف الجهل يغويني عن دروبي وانا الفهمان

وانا العارف وانا الوارف وانا الأقلام تمدحني

واخاف الظن خلاها تعاديني وانا التحنان

عرفت البغض في نظره ولا تقدر تصارحني

واخاف الحض خالفني وحالفني على الهجران

وخلاني مع الآهات تمسيني وتصبحني

واخاف الضحكه تنساني واعيش الهم والحرمان

وتبقى دمعتي دايم مع الايام تفضحني

يا ربي اسألك تحفظ فؤادي ، وأطرد الشيطان

على الرغبات والزلات طول العمر ينصحني

يا ربي يا غني ويا لطيف ويا عظيم الشان

أنا إنسان سأل غفران يا رحمن سامحني

يا ربي جيتك بخوفي رجيتك سائلك رضوان

أنا آمنت بك ربي فأمّن خوفي وأصلحني