ما كل مخلوقٍ على النفس مقبول | قصيدة محمد سعد القحطاني

عن القصيدة

قصيدة للشاعر محمد سعد القحطاني تتأمل اختلاف طبائع الناس، والصدق في القول والفعل، والوفاء والمروءة، وما تتركه التجارب والعلاقات من أثر في النفس.

نص القصيدة

ما كل مخلوقٍ على النفس مقبول

ولا كل بنتٍ كايفه ومعسوله

وما كل رجلٍ يعرف يقول ويطول

ولا كل قايل يفعل اللي يقوله

وما كل كحلا مخلصه لك على طول

ولا كل عاشق يتصف بالرجوله

وجدي على اللي لا نطق يصدق القول

كل المراجل واضحه في فعوله

أو بنت شيخٍ وصفها غير مجهول

حسناء ولا فيها صفاتٍ ملوله

هذي وصية واحدٍ شاف له زول

فيها الحسن طاغي ولكن عجوله

أماني الدنيا على حظ مشلول

مال اعتدال الحض واعلن ميوله

يا وقت طاوعني ترى القلب معلول

تسري عليه الساطيه والخجوله

لا تبحث الخافي ترى البال مشغول

يا اللي تحاسبني على ما أقوله

دق العنا بابي ولا وده يزول

ولا كنت ناسي ذكريات الزعوله

ان كان قلبه مال فالغدر مسؤول

وإلا فلا للنمر والصيد حوله

مخبولةٍ تطرد لها شخص مخبول

معها خفيف العقل حَب مخبوله

محمد سعد ✍🏻