ياما حلا شيٍ يجيلك على شف
ياما حلا شيٍ يجيلك على شف
ويا مزين الدنيا بليا نكاده
كم به مواقف خلت القلب يرجف
وكم من سنين راحت بلا إستفاده
وكم من حكيمٍ أعتقد فيه يعرف
أقفت به الدنيا على غير عاده
وكم من سفيه العقل في كل موقف
جاهل ولا يعرف طروق الركاده
وكم من فقيرٍ همه العيش يلتف
العافيه همه وستره سعاده
وكم من غنيٍ مقتصد غير مسرف
وقفه مع المحتاج غاية مراده
وكم من سعيدٍ عاش في خير مترف
من كثر ماله تعشقه كل غاده
وكم من حزينٍ دمعته دوم تذرف
عايش مع الآهات والهم صاده
وكم من لعوبه تتبع الطبل والدف
تغوي لها أشناب فيهم بَلاده
وكم من أصيله تستر الخد والكف
ما تقبل دروب الغنج والهواده
وكم من فقيدٍ مات والدمع ماجف
رووح ودمع العين يرثي بعاده
وكم من مسيئٍ يسأل الله يلطف
يوم الحساب الكل يجني حصاده
محمد سعد ✍🏻
تعليقات